طريقة تحضير مقروط خفيف يذوب في الفم

اذهب الى الأسفل

طريقة تحضير مقروط خفيف يذوب في الفم

مُساهمة من طرف الإدارة في الثلاثاء يوليو 08, 2014 10:13 am

طريقة تحضير المقروط ، مقروظ ، مقروط ساهل وبنين ، مقروط خفيف ، تحضير المقروط بطريقة سهلة ، تعلم المقروط ، مقروس بالغرس ، مقروط ساهل
 
السلام عليكم ورحمة الله تعالى وبركاته


اليوم جبتلكم طريقة تحضير المقروط بطريقة سهلة ويجي روعة
جربت عدة وصفات لكن هذا الوصفة كانت الاحسن على الاطلاق يجي يذوب في الفم نخليكم مع المقادير والخطوات








3 كيلات سميد متوسط من النوع الممتاز انا نستعمل دائما سميد السفينة هايل للمقروظ


كيلة ونصف فرينة


كيلة معمرة مليح سمن ذايب وبارد


نصف كيلة زيت


ملح على حساب كمية الدقيق والفرينة نملح اقل من الكسرة بشوية


خليط من الماء وماء الزهر انا استعملت ثلاثة ارباع الكيلة على حساب نوعية الدقيق


الحشو:

غرس منقي ومرحي نفوروه ونضيفلو

 3م ك سمن ذايب+3 م ك عسل+نصف م ص خميرة الحلوى+شوية قرفة+القليل فقط من القرنفل مرحي

وهذا الكمية لبلاطو صغير نمزج المقادير مع بعض ندهن يدي بشوية زيت ونشكل حرابش.





نخلط كمية السميد مع الفرينة والملح ونضيف السمن الذايب والبارد والزيت.





نخلط باليد راح يكون الخليط جاري شوية عادي نضيف كمية الماء وماء الزهر ونلم العجينة بلا مانعجنها .




نغطيها ونخليها ترتاح على الاقل ساعة




ناخذ كمية من العجينة ونضع بداخلة حربوش من الغرس.



نغلق عليه بالعجين ونشكل حربوش واذا كان طويل نقسم على اثنان لتسهيل العملية



نقطع مقروضات ونستعمل طابع على شكل معين باه الحبات يجيو كيف كيف ولي ماعندهاش تقطع وتحاول يكون حجم الحبات متشابه.




وبواسطة النقاش ننقش من فوق .

نحط الحبات في البلاطو بجانب بعض باه ما يتحرقش الغرس.






ندخل للفرن يكون مسخن مسبقا على درجة حرارة200 درجةفي الرف الاوسط ونراقب الطياب

كي يطيب من الاسفل نهبطو للرف السفلي ونشعل من فوق حتى ياخذ لون ذهبي فاتح

بعدها نخرج من الفرن ونخليه يبرد تماما

نسخن العسل مع ماء الزهر ونشحر الكمية لي نحتاجها ونحتفظ بالباقي في علبة حتى لمدة طويلة وهذا شكله النهائي.



وبصحتكم
avatar
الإدارة
Admin

عدد المساهمات : 86
تاريخ التسجيل : 07/07/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: طريقة تحضير مقروط خفيف يذوب في الفم

مُساهمة من طرف الأمل القادم في الأربعاء يوليو 09, 2014 2:28 pm

وصفة روووووعة
شكرا لك
avatar
الأمل القادم

عدد المساهمات : 69
تاريخ التسجيل : 09/07/2014
العمر : 19

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى