غرفة أولادي...فكرتي وإعدادي

استعرض الموضوع السابق استعرض الموضوع التالي اذهب الى الأسفل

غرفة أولادي...فكرتي وإعدادي

مُساهمة من طرف الأمل القادم في الجمعة يوليو 11, 2014 12:22 am


اللهم صلّ على سيدنا محمد صلاة ترضيك وترضيه وترضى بها عنا يا رب العالمين
وعلى اله وصحبه اجمعين والتابعين باحسان الى يوم الدين:


حبّيت اليوم نشارككم فكرتي لدهان غرفة أنّوس ربي يباركلي فيه
رغم ان الصور قديمة ...
لكن قلت نحطها حصريا في هذا المنتدى العزيز على قلبي للإفادة
كانت فكرتي أنه ندهن غرفة الاولاد كما الروضة
تكون مكان يجذبهم يلعبو ويستمتعو فيه
والاكيد أنّه مانيش راح نلقا اللي يبنترلي البيت كيما نحب
وحتى ولو لقيت...راح يطلب البقرة وبنتها

والحمد لله وفقني ربي سبحانه نجسدها الى حدّ ما
تعبنا شوية في العمل
لكن النتيجة كانت تستاهل
شوفو معايا ....ومبعد نحكيو في التفاصيل




إضغط هنا لرؤية الصورة بحجمها الطبيعي.


أول حاجة استعملت لا لاك وفرش الدهان طبعا ومنها لي بانسو رقاق
والالوان ..ملوّنات ..وقتها مالقيتش ملونات باهية مثلا البنفسجي ركبته من الازرق والاحمر
المهم...
أول حاجة رسمت الرشمة نتاع الوسط
يعني الحد الفاصل بين اللونين في كارتون وقصيته بهاذ الشكل

إضغط هنا لرؤية الصورة بحجمها الطبيعي.

كوحدة ومشيت بيها على ساااااااااير الحوائط
وبنفس الارتفاع
خدمت بقلم الرصاص
وبعدها رسمت شكل وردة صغيرة واخرى كبيرة في الجرنال
وبنفس الطريقة البالونات والفطر وأشعة الشمس
ولصّقتهم بالغراء
ههههههههههههه
ماتضحكوش على أدواتي

إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.




إضغط هنا لرؤية الصورة بحجمها الطبيعي.


ومبعد بنترت أنا وزوجي ربي يحفظه بالفرشاة العريضة نتاع الحائط الفوق باللون الازرق
وتحت باللون الاخضر


إضغط هنا لرؤية الصورة بحجمها الطبيعي.


لمّا بدات البانتورا تجف نحّيت الجورنال
ولغدوة هاذيك بنترت التفاصيل من داخل
وهذا اللي ادّا شوية الوقت والجهد



إضغط هنا لرؤية الصورة بحجمها الطبيعي.


بالنسبة للألوان قسمت لالاك على عدد من أنصاف قارورات الماء
استعملتهم كأوعية وكل واحد درت فيه ملوّن


إضغط هنا لرؤية الصورة بحجمها الطبيعي.


شوفو البالونات


إضغط هنا لرؤية الصورة بحجمها الطبيعي.


والشمس كنت حابة دائرتها كبيرة
جبت كل أحجام الدوائر اللي عندي
ماسلكتها غير المايدة
والله المايدة ههههههههههههه
لكن أشعتها بنفس طريقة الجرنال


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.


شفتو الفطر ؟


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

وبالنسبة لقوس قزح هبّللللللني باه درتو

كان صعيب نحافظ على نفس المسافة باليد
وصعيب باه تلقاي 7 انصاف دوائر فوق بعضاهم في الحجم
والالوان مركبة
الحمد لله لحقت اختي عاونتني فيه والاّ كنت بديت نفشل
بالنسبة للسحاب رسمته باليد وبنترته بالابيض
إضغط هنا لرؤية الصورة بحجمها الطبيعي.

وماكنتش وحدي نبدع
شوفو إبداع أنيس
ومصمّم تصميييييييييييما نعلّق الكادر اللي رسمه في غرفته


إضغط هنا لرؤية الصورة بحجمها الطبيعي.


قالّك أنا ومريومة

إضغط هنا لرؤية الصورة بحجمها الطبيعي.


نتمنّى تعجبكم الفكرة
وتكورجو وتنفذوها
بأي رسومات تحبّو
ممكن دوائر ساااامبل وبألوان مختلفة وتجي باهية
تفرّحي أولادك
وتفرحي أنتي خاصة وأنك تعبتي فيها
انجازها تطلّب منّي 5 أيّام متتالية عمل متواصل
لكنّي فخورة بها
دمتم في حفظ الرحمن
ماتنسوش الدعاء اخواتي
ربي يحفظ اولادنا ياارب ويصلحهم وينبتهم نباتا حسنا
اللهم استخدمنا وإيّاهم ولا تستبدلنا


avatar
الأمل القادم

عدد المساهمات : 69
تاريخ التسجيل : 09/07/2014
العمر : 18

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى